ഒരു കാട്ടുതീ

ഒരു കാട്ടുതീയെ കുറിച്ചു -
നീ കേട്ടിരുന്നോ പ്രിയേ? -
മനുഷ്യനാൽ തടുക്കുവാനാകാത്തത്  ?
പ്രകൃതിയാൽ ഗതി മാറ്റാത്തത്  ?
ഇറ്റുവീഴുന്ന മഴയിലാളിക്കത്തുന്നത് ?
വന്യമായൊരു തിരമാലപോലേറിവന്നു -
നിൻറെയൊരു തന്മാത്രയുമതു വിടുകയില്ല
നിന്നെ ശ്വാസം മുട്ടിക്കയില്ല ,
ഒന്നും പ്രതീക്ഷിക്കയില്ല  ,
ദേഹം പൊള്ളുകില്ല ,
നിന്നെ ഹനിക്കയില്ല
നിൻ ശ്വാസത്തിനാലാത്മാവിൻ ദാഹം-
അതു, തീർക്കമാത്രം
ഈ കാട്ടുതീയിൽ ജനിക്കുന്നു പൂക്കൾ
നിൻ ശരീരം മണക്കുന്ന ചെമ്പകപ്പൂക്കൾ
ആ മരങ്ങളിൽ കുരുവികൾ പാട്ടുപാടുന്നു
മുകുളങ്ങൾ വർണാഭമാം ശോഭ തീർക്കുന്നു
ആ മരത്തിന്നു കീഴെ ഞാൻ ധ്യാനത്തിലാണു
നിന്നഭൗമ വശ്യതയിൽ കുതിർന്നുകൊണ്ട്

Indran's art reproduced with permission